Descrición
O obxecto desta convocatoria é a promoción e impulso de eventos e actividades culturais e contribuír para que acaden os obxectivos que lles son propios, fomentar a participación da cidadanía en cada ámbito de actuación, contribuíndo de este xeito a impulsar a democratización da sociedade, e fomentando a defensa dos valores de igualdade de xénero, e a linguaxe inclusiva.
Quen pode presentar unha solicitude
Entidades privadas sen ánimo de lucro, concretamente as asociacións legalmente constituídas, inscritas no Rexistro de Asociacións da Xunta de Galicia e no Rexistro Municipal de Asociacións, que teñan o seu domicilio social e desenvolvan as súas actividades no Concello de Cee.
Como e onde presentar a solicitude
As solicitudes presentaranse a través da sede electrónica ou no rexistro xeral do Concello de Cee en horario de 9:00 a 13:30 horas de luns a venres, ou por calquera das formas previstas no artigo 16.4 da Lei 39/2015, de 1 de outubro, de procedemento administrativo común das administracións.
O prazo de solicitude e do 16 de Abril ata o 15 de Maio de 2025.
Documentación
- Solicitude
- Anexo 1. Solicitude de subvención.
- Anexo 2. Declaración indicando os eventos e actividades organizadas pola entidade.
- Anexo 3. Declaración indicando a colaboración da entidade cos eventos e actividades organizadas polo Concello de Cee.
- Anexo 4. Declaración número de socios e monitores da entidade.
Xustificación
Debe realizarse mediante o procedemento de Achega de Documentación coa seguinte documentación:
- Anexo 5. Solicitude de aboamento da subvención concedida.
- Anexo 6. Declaración doutras axudas 2025.
- Anexo 7. Orzamento de ingresos e gastos 2025.
- Anexo 8. Memoria de actividades 2025.
- Anexo 9. Relación clasificada de gastos presentados 2025.
- Certificado da conta bancaria da entidade.
- Certificados de estar ao corrente coa AEAT, ATRIGA, Seguridade Social e Concello de Cee (éste último consultarase de oficio pola entidade local, non sendo precisa a súa presentación).
- Facturas ou documentos orixinais polo importe concedido e xustificantes bancarios do seu pago. (No caso de presentar os gastos de persoal como xustificantes será preciso xuntar: contrato en vigor, informe de vida laboral, nóminas e TC2 Seg. Social).
- Acreditación do uso do logotipo do Concello de Cee en cartelería, web, redes sociais, outras.
