Lectura de poemas de Rosalia de Castro no Concello de Cee

Facebooktwittermail

Hoxe, ás 12 horas na fachada principal do Concello de Cee tivo lugar unha homenaxe por cumprírense 179 anos do nacemento de Rosalía de Castro.

A este acto, presentado pola técnico de normalización lingüística, asistiu o alcalde, Ramón Vigo, a concelleira de Servizos Sociais, a concelleira de Cultura e Festexos e a concelleira de Deporte e Tempo Libre, así como representantes do alumnado do CEIP Eugenio López, que leron Adiós ríos, adiós fontes en galego e en búlgaro), CEIP Manuela Rial Mouzo, con Has de cantar, IES Agra de Raíces, coa lectura de Unha vez tiven un cravo e o IES Fernando Blanco, con Alborada.

O acto foi clausurado coa lectura do poema As de Cée, dedicado ás nenas de Cee e que leva todo o mes de febreiro colgado da Casa Consistorial xunto a bandeira galega.