Descrición
O obxecto desta convocatoria vén a desenvolver as actuacións de promoción do deporte en beneficio do desenvolvemento deportivo local.
A finalidade desta convocatoria é a promoción e fomento do deporte, subvencionando actividades realizadas no concello de Cee, coa finalidade de apoiar ás entidades locais sen ánimo de lucro na creación e mantemento de actividades, fomento do deporte de base, deporte para todos e organización de eventos deportivos.
Quen pode presentar unha solicitude
Entidades deportivas legalmente constituidas, inscritas no Rexistro de Entidades Deportivas de Galicia e no Rexistro Municipal de Asociacións, que teñan o seu domicilio social e desenvolvan as súas actividades no concello de Cee.
Como e onde presentar a solicitude
As solicitudes presentaranse a través da sede electrónica ou no rexistro xeral do Concello de Cee en horario de 9:00 a 13:30 horas de luns a venres, ou por calquera das formas previstas no artigo 16.4 da Lei 39/2015, de 1 de outubro, de procedemento administrativo común das administracións.
O prazo de solicitude e do 15 de Abril ao 14 de Maio de 2025.
Documentación
- Solicitude
- Anexo 1. Solicitude de subvención.
- Anexo 2. Certificación do nº licenzas deportivas menores de 18 anos (federativas e/ou escolares do Programa Xogade de deporte en idade escolar) así como do nº licenzas maiores de 18 anos. (Expedida pola federación deportiva correspondente ou pola entidade organizadora do Programa Xogade de deporte en idade escolar).
- Anexo 3. Declaración indicando a organización prevista de actividades físico-deportivas propias e en colaboración nas promovidas polo Concello de Cee.
Actualizado 27/06/2025
Acta I Revisión solicitudes subv. deportes 2025. Puntuacións e proposta de concesión provisional.
Xustificación
Debe realizarse mediante o procedemento de Achega de Documentación coa seguinte documentación:
- Anexo 4. Solicitude de aboamento da subvención concedida.
- Anexo 5. Declaración doutras axudas 2025.
- Anexo 6. Orzamento de ingresos e gastos 2025.
- Anexo 7. Memoria de actividades 2025.
- Anexo 8. Relación clasificada de gastos presentados 2025.
- Certificado da conta bancaria da entidade.
- Certificados de estar ao corrente coa AEAT, ATRIGA, Seguridade Social e Concello de Cee (éste último consultarase de oficio pola entidade local, non sendo precisa a súa presentación).
- Facturas ou documentos orixinais polo importe concedido e xustificantes bancarios do seu pago. (No caso de presentar os gastos de persoal como xustificantes será preciso xuntar: contrato en vigor, informe de vida laboral, nóminas e TC2 Seg. Social).
- Acreditación do uso do logotipo do Concello de Cee (ou do servizo de deportes municipal) en cartelería, roupa/vestimenta deportiva, web, redes sociais, outras.
