Convocatorias e subvencións dirixidas a entidades e clubs deportivos 2017

A Deputación da Coruña convoca 5 programas de subvencións para clubes para entidades ou clubes deportivos.

Dende o Servizo de Deportes do Concello de Cee infórmase que o mércores 22 de marzo a Deputación Provincial da Coruña fixo públicas, no Boletín Oficial da Provincia, as convocatorias de subvencións dirixidas a entidades e clubs deportivos. Neste ano 2017 hai 5 programas diferentes.

O prazo de presentación de solicitudes irá do 23 de marzo ao 25 de abril ás 14h.

As convocatorias son as seguintes:

• Programa de subvencións para clubes deportivos da provincia, sen ánimo de lucro, con equipos e deportistas que participen en competición federada de ámbito local, provincial, interprovincial ou autonómico durante o ano 2017.

• Programa de subvencións a entidades deportivas da provincia, sen ánimo de lucro, para a realización de actividades de fomento da actividade física e do deporte durante o ano 2017.

• Programa de subvencións a entidades deportivas da provincia, sen ánimo de lucro, para infrastructuras e quipamento deportivo durante o ano 2017.

• Programa de subvencións para clubes deportivos da provincia, sen ánimo de lucro, con equipos ou deportistas que participan en competición federada de ámbito nacional ou internacional durante o ano 2017.

• Programa de subvencións a entidades deportivas sen ánimo de lucro, para o desenvolvemento de grandes eventos deportivos singulares de especial interese na provincia durante o ano 2017.

Máis información no Servizo de Deportes do Concello de Cee.