Reapertura das comunicacións e autorizacións de queima

A Subdirección xeral de prevención e defensa contra os Incendios forestais informa da reapertura das comunicacións e autorizacións de queima para mañá, martes 9 de maio de 2017 ás 00:00 hs.

 

A data para realizar unha comunicación de queima comezará, como de costume, dous días despois da comunicación. Polo tanto, o primeiro día hábil para executar unha comunicación de queima será o día xoves 11 de maio de 2017.

Ler máis / Leer más…

Programa de respiro familiar en balnearios “Cuidarelax 2017”

Os meses de xuño, agosto e outubro terá lugar o programa “Cuidarelax 2017” que busca conxugar o apoio aos coidadores de persoas maiores dependentes, coa asistencia a unhas xornadas de fin de semana no balneario onde se xuntan os tratamentos termais, o lecer e a psicoeducación.

Ler máis / Leer más…

Espectáculo para crianzas de 0 a 3 anos con Trompicallo: O día que chegou unha nube e choveu

O sábado 22 de abril o Concello de Cee acollerá un novo espectáculo teatral especialmente pensado para crianzas de ata 3 anos. A actividade está limitada a 50 familias (un adulto por cada menor).

Dentro do programa cultural do Concello de Cee e do programa de Normalización Lingüística “Primavera con Apego“, o sábado 22 de abril, Trompicallo presenta unha obra especialmente pensada para crianzas de 0 a 3 anos na que… “Había unha vez, que non había nada, só pedras. Entón chegou unha nube, choveu e formouse un manantial. Coa chegada da auga creceu a herba, e na herba as flores e as árbores, na auga naceros os peixes e as ras, despois chegaron os insectos, as ovellas, o lobo… en fin, a vida. Pero, que acontece cando un día a auga desaparece?”

O espectáculo presentado por Trompicallo, vellos coñecidos do teatro ceense, forma parte do programa “Primavera con Apego” no que se desenvolverán diferentes actividades para a socialización en galego na infancia. É froito da colaboración do Concello de Cee e da Rede Galega de Teatros e Auditorios de Galicia.

Para conseguir a túa entrada, podes inscribirte no Servizo de Normalización Lingüística do concello (as prazas serán adxudicadas en rigoroso orde de inscrición e terán preferencia as crianzas empadroadas en Cee) ou ben comprala en taquillas, que se abrirá 45 minutos antes da hora prevista de comezo.

“O día que chegou unha nube e choveu” de Trompicallo

Idade: 0 a 3 anos

Data: sábado, 22 de abril

Horario: 18h

Espazo: Auditorio Baldomero Cores

Prezo: 2€ neno e 3€ adulto

Ler máis / Leer más…

TurismoCee