A área de Cultura do Concello de Cee asume un papel moi destacado dentro dos servizos que ofrece o concello xa que Cee destaca pola súa relación coa cultura e o ocio da Costa da Morte. Seguramente, pola súa vinculación ao mundo da educación e moi da man do legado de Fernando Blanco de Lema, Cee viviu sempre moi vinculado ao terreo cultural a través do teatro, a música e a literatura, con importantes e destacados creadores e moi boa parte da poboación aficionada a estos temas. Nos últimos anos, esta relación de Cee coa cultura toma un novo impulso coa edificación de importantes infrastructuras que logran que esta vila sexa, unha vez máis, o referente cultural da Costa da Morte.
Desde esta área organízase, planificase e xestionase a actividade cultural municipal. Algunhas destes eventos culturais son celebrados en convenio con outras administración como a Deputación Provincial de A Coruña ou a Xunta de Galicia. Pero o Concello de Cee tamén promove unha serie de programas anuais e estables. Entre este cabe salientar:
- Entroido
- Letras Galegas
- Verán Cultural
- Outono Cultural
- Nadal
Recital Baile Galego
Entre os obxectivos da área de Cultura está a formación tanto de nenos como de adultos poñendo á súa disposición as Axencias de Lectura de Brens e Ameixenda así como a Biblioteca Francisco Mayán en Cee cunhas modernas instalacións que contan cunha ampla dotación de libros e servicio gratuito de acceso a internet.
As artes escénicas, música e teatro, como xa mencionamos, xogan tamén un papel fundamental nas diferentes programacións ofertadas. A ampla tradición o o gran número de afecionados a elas, fan moi importante a labor das escolas relacionadas con estos eidos e que teñen un papel moi activo na actividade cultural do Concello de Cee: a Escola Municipal de Música e a Escola de Teatro.
Pero si a alguén lle debe Cee esta tradición cultural é ao filántropo Fernando Blanco de Lema, sobre todo no eido da educación. Na actualidade, a encargada da difusión da súa figura e legado é a Fundación Fernando Blanco, contando para elo sempre coa colaboración do Concello de Cee.
CONTACTO
Se necesitas contactar co Departamento de Cultura do Concello de Cee pordes facelo a través do correo electrónico: victor.castineira@cee.gal
INSTALACIÓNS ADICADAS Á ÁREA DE CULTURA
- Biblioteca Pública Don Francisco Mayán.
- Escola Municipal de Música.
- Museo Fernando Blanco.
- Salón de Actos do Concello de Cee.
- Casas de Cultura en Ameixenda e Brens con Axencia de Lectura.
ASOCIACIÓNS CULTURAIS NO CONCELLO DE CEE
No noso concello hai tamén diferentes entidades que promoven diferentes actividades ligadas ó mundo da cultura:
- A.R.D.C. Fumes do Cal
- Asoc. Cultural Terra de Sena
- A.R.D.C. Pedras Miúdas
- Asoc. Cult. Banda de Música de Cee
- AA.VV. Comarca de Pereiriña
- Soc. Dep. Cultural Brens
- Asoc. Naturista Micolóxica Pan de Raposo
- Asociación Amigos da Banda de Música de Cee
- Asociación As Caldeiras de Gures
- Coral Polifónica Costa da Morte
- Asociación Cultural Peta Forte
