INTRODUCIÓN AO CONCELLO:

Cee é un concello de case 8.000 habitantes que se dispersa sobre unha extensión duns 57,45km2. A nosa orografía é bastante irregular con barreiras naturais contra os ventos como os montes os Sete Grises, Alto das Penas e Quenxe. O Concello mira ao mar dende a propia vila até o Ézaro a través da ría, na praia de Estorde e na desembocadura do Río Castro en Lires.

Cee ofrece os servizos dunha gran cidade ca tranquilidade do rural sendo o centro neurálxico da Costa da Morte. Aquí gozarás de todas as comodidades sen esquecer nunca que nos atopamos nun entorno privilexiado: hospital, cine, grandes superficies comerciais, estación de autobuses, ximnasios, unha ampla oferta hosteleira, aloxamentos, un incrible patrimonio natural con espectaculares praias como Gures, Estorde e Lires, e un excelente patrimonio cultural onde destacan edificios como a Parroquia-Santuario Nosa Señora da Xunqueira ou o emblemático Instituto Fernando Blanco de Lema. Sen dúbida, Cee é un destino que paga a pena coñecer.

Descubre Cee, no corazón da Costa da Morte.