SERVIZO DE RECOLLIDA DE ACEITE DE COCIÑA USADO A DOMICILIO.
O concello de Cee implanta o servizo de recollida a domicilio de aceite de cociña usado.
O concello de Cee implanta o servizo de recollida a domicilio de aceite de cociña usado, o servizo é posible grazas á subvención MT975J ATPM-064-2022-RES Subvencións a entidades locais galegas para o financiamento de actuacións en materia de residuos de competencia municipal. Fondos de recuperación e Resiliencia.
Orde do 1 de decembro de 2021 pola que se establecen as bases reguladoras para a concesión de axudas a entidades locais de Galicia para o financiamento de actuacións en materia de residuos de competencia municipal, cofinanciadas polo fondo europeo relativo ao Mecanismo de Recuperación e Resiliencia da UE no marco do Plan de recuperación, transformación e resiliencia, financiado pola Unión Europea – NextGenerationEU, e se procede a súa convocatoria en réxime de concorrencia competitiva por anticipado de gasto para o ano 2022 (DOG nº. 238 do 14 de decembro de 2021)
Nº de expediente | Solicitante | Provincia | Línea Subvencionable | Total Gastos subvencionables | % Cofinanciamento |
Importe Subvención
|
ATPM-064-2022-RES. | CONCELLO DE CEE | CORUÑA | LIINEA 1 – ACEITE | 16.875.00 € | 12% | 14.850 € |
O método a seguir será moi cómodo para os usuarios, xa que será un servizo de recollida porta a porta cada catro meses.
A empresa adxudicataria do servizo comeza co reparto de bidóns no día de hoxe, comeza polos lugares de Vilanova, Codesos, Morancelle, Lobelos, ata a rotonda do Lar, continuando nos próximos días polos lugares de Bermún, Pereira, ata Lires.
A empresa encargada de xestionar o servizo é RGR Sostenible, S.L., o servizo non ten ningún custe para os veciños, autofinánciase coa recollida.
Nos próximos días habilitarase un punto de recollida de bidóns no que cada veciño pode pasar a recoller o seu bidón sen agardar a que a empresa encargada pase pola súa vivenda.
Habilítase ademais un punto de recollida de bidóns na 3ª planta da Casa de Cultura de Cee (Biblioteca Pública Municipal «Francisco Mayán»). A partir do venres 30 de decembro en horario de luns a venres de 9.30 h. a 13.30 h. e de 16.30 h. a 19.30 h.