Un dos cruceiros máis famosos do Concello de Cee, situado moi preto do núcleo urban, na parroquia de Santa María da Xunqueira, esta na ruta xacobea de Santiago a Fisterra e é o primeiro punto dende o cal peregrinas e peregrinos poden ver o mar. O vello cruceiro rompeu polo fuste e foi reparado a finais do século XX, a parte superior é totalmente nova e conta cun Cristo na parte frontal e unha Virxe no reverso. O interesante deste cruceiro é o fuste, na parte media presenta unha figura moi erosionada, mentres que na parte inferior parece que se utilizou un altar romano cunha inscrición.
